12/3/09

Suxerencias de lectura


Temos expostas na nosa Biblioteca as suxerencias de lectura que pedimos ós profesores a principios deste curso. Cadaquén debía seleccionar un fragmento dun libro que lle producira unha certa impresión e traladalo a un papel, xunto con algunha imaxe do autor e un comentario persoal. O obxectivo era crear nos nosos alumnos interese pola lectura, a través da observación do que nós lemos: ó mellor así nos comprenden algo.
O Equipo de Biblioteca recolleu as aportacións, ampliounas ata tamaño DIN A3 e plastificounas. Hai un variado surtido de obras que marcaron, segundo parece, dalgún xeito, a experiencia cultural do equipo docente deste IES (quizais non sexa necesario ser tan trascendente): García Márquez, Saint-Éxupery, Asimov, Davis Grubb, Blanco-Amor, Dieste, Saramago...
Na Semana Cultural, que terá lugar entre os días 30 de marzo e 3 de abril, expoñerémolas noutros lugares do Centro.


A todos profesores que participastes, moitas gracias. E ós que non, non vos damos as gracias, pero animámosvos a que o fagades en próximas convocatorias.

No hay comentarios: