17/6/11

Recomendacións de lectura para o verán

Xa estamos a piques de rematar o curso, e quizais algúns pensedes coma nós: que o verán é un período estupendo para dedicarlle algo máis de tempo á lectura.

Convencidos como estamos diso, e tamén de que a lectura é unha viaxe boa, bonita e barata (sobre todo se levades os libros en préstamo da nosa Biblioteca), aquí vos deixamos as nosas recomendacións para o verán, distribuídas por idades.

Que o pasedes moi ben, tanto cando leades como cando non.

Vémonos en setembro, a ver qué nos contades.


Presentacións nos recreos: Dúas sobre o Día das Letras Galegas

Con algo de retraso, pero deixámosvos aquí as outras dúas presentacións que proxectamos na Biblioteca nas xornadas que dedicamos ás Letras Galegas. As dúas foron elaboradas por Ramón Beltrán, profesor de Xeografía e Historia e membro do Equipo de Biblioteca.






6/6/11

Manifesto a favor da Formación en Bibliotecas Escolares


Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos Centros de Formación e Recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros, queremos manifestar o seguinte:


A insoportable levidade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente.

Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos.

Así naceu o movemento que cristalizou na iniciativa que todos coñecemos como PLAMBE. De xeito que, dende hai algúns anos, esa iniciativa levou o mellor da creatividade e o esforzo de moitos docentes que, xenerosamente, regalaron o seu tempo e a súa capacidade de formar equipos e ilusionar a outros docentes en centos de centros de toda a nosa comunidade.

Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información.

Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida.

Non é doado porque a maquinaria educativa ten unhas inercias difíciles de combater.

A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer.

Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado.

A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos, como colectivo, son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de Boas Prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas.


Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser?

Por que non seguir aproveitando a experiencia e valía dos equipos das bibliotecas escolares nestes cometidos?

O noso empeño sempre foi crear nos centros pequenos focos que tentan estender esas boas prácticas de innovación e excelencia.

Non entendemos este novo e repentino xiro na política de formación desta Dirección Xeral.

Non nos parece xusto posto que podemos dicir honestamente que, pola nosa banda, cumprimos con fartura.


Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos Encontros do Plan de Mellora de Bibliotecas Escolares, despois dunhas entusiastas palabras de eloxio polos éxitos logrados polas bibliotecas escolares galegas a nivel estatal.


Onde quedou ese entusiamo?

Que interpretación debemos facer?

O noso país pode permitirse tirar pola borda todo este traballo?

E nós? En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?

2/6/11

Novidades Xuño (II) / Novedades Junio (II)




Libriño moi de moda estes últimos meses en España debido ós acontecementos políticos deste maio último. Stéphane Hessel sufríu os campos de concentración do nazismo e foi un dos redactores da Declaración dos Dereitos Humanos do ano 1948. Neste opúsculo insiste na necesidade de manterse alerta para conservar eses dereitos.




Juanjo Sáez es un artista catalán que nos ofrece, a través de sus dibujos y de conversaciones imaginarias con su madre, un viaje por el arte contemporáneo. Su objetivo es romper los tópicos populares sobre las tendencias del s. XX, para hacer ver que el arte no figurativo no sólo es arte, sino que es una evolución del mismo.

Novidades Xuño (I) / Novedades Junio (I)


Rematamos o ciclo de novidades relacionadas con Lois Pereiro, poeta homenaxeado este ano na conmemoración do Día das Letras Galegas. Neste caso, trátase da edición completa das súas poesías, publicada a primeiros deste ano 2011 por Xerais. Así, podemos adentrarnos na súa obra na extensión dun só volume.







El camino de los microcréditos está siendo seguido por muchas personas en países de África, Asia e Iberoamérica como medio para salir de la pobreza a través de la puesta en marcha de pequeñas empresas. Este libro nos cuenta la pequeña historia de una mujer india, Narayan, y su ilusión por ser independiente económicamente.