15/10/18

Proxeccións nos recreos: Arte abstracta

Comezamos as proxeccións temáticas deste curso nos recreos da nosa Biblioteca cunha presentación divulgativa sobre a arte abstracta, un fenómeno artístico e intelectual que definiu boa parte do século XX, que non hai tanto tempo deixamos atrás.

Esperamos que vos guste e que vos conte algo que non sabiades.

Aquí a deixamos:

4/10/18

Carnés listos!

Xa temos preparados os carnés para os novos usuarios, que poden vir recollelos cando queiran.

Lembramos que os carnés non son imprescindibles para realizar o préstamo, pero axilizan o traballo do bibliotecario.


1/10/18

Novidades Outubro (II) / Novedades Octubre (II)

  LIBRO DO MES
Un clásico da literatura universal, un dos relatos de aventuras por excelencia, que non perde actualidade, como demostran as continuas reedicións da obra en múltiples idiomas e as adaptacións cinematográficas que cada pouco tempo aparecen.


Después de contarnos la peripecia de su padre durante la República, la Guerra Civil y el franquismo, Antonio Altarriba, apoyado por el dibujante Kim, nos cuenta ahora la imprescindible vida de su madre, una muestra más de lo necesario que es dignificar el papel de la mujer en la sociedad.

Novidades Outubro (I) / Novedades Octubre (I)



A Alfonso Morro perségueno unha noite no porto de Lisboa coa intención de asasinalo. Cando é alcanzado ten que loitar pola súa vida e acaba caendo ó río Texo. Ó pouco, espállanse pola cidade rumores de que no barrio do porto se agocha un mono tolo e sanguinario.










El cine, el llamado Séptimo Arte, está hondamente implantado en nuestras vidas casi desde su aparición, en 1895. Este libro, muy bien ilustrado, sirve de guía, orientación, información y homenaje a un fenómeno cultural que ha producido obras inmortales e intemporales.

25/9/18

Inicio do curso

Un curso máis, a Biblioteca do IES Fontexería abre as súas portas para ofrecer os seus servizos a toda a Comunidade Educativa.

Deixamos aquí unha presentación na que damos algunha información sobre ela, pero o que máis nos interesa é que a veñades visitar e que nos comentedes todo aquilo que vos pareza interesante para mellorar o servizo.

Saúdos e ánimos para o curso que comeza.


11/6/18

Recomendacións para as vacacións de verán

Achégase o final de curso e, como cada ano, desde o Equipo de Biblioteca facemos unhas recomendación de lectura para estas próximas semanas de lecer.

Coma sempre, están clasificadas por sectores da nosa Comunidade Educativa.

Lembrámosvos que podedes levar en préstamo para o verán, non só os libros que recomendamos neste documento, senón calquera outro (ata tres), co compromiso de devolvelos nos primeiros días de setembro.

6/6/18

Doazón de Emiliano Morenza

O profesor Emiliano Morenza, que se traslada do noso centro logo de case 20 anos no mesmo, fíxonos doazón dunha selección de libros da súa biblioteca persoal, que acollemos con ledicia.


Emiliano Morenza formou parte durante varios cursos do Equipo de Biblioteca, e desde aquí agradecémoslle o seu traballo nel e desexámoslle, ademais, moita sorte no seu novo destino docente.

Unha aperta, Emiliano.