Presentacións nos recreos: Seres Míticos Galegos

Esta semana, durante os recreos da nosa Biblioteca, proxectaremos un video sobre os seres que poboan as lendas galegas. Este documento foi elaborado pola Biblioteca do CEIP Víctor Sáenz, de Mazaricos, a quen aproveitamos para felicitar por este traballo.

Novidades Outubro (II) / Novedades Octubre (II)

Un dicionario fantástico, tanto pola súa factura como polo seu contido. Xoán R. Cuba, Antonio Reigosa e Xosé Miranda realizan un estupendo traballo de recuperación dos seres míticos protagonistas de lendas tradicionais galegas. Contribúen así a que non se perda unha parte importante do imaxinario popular da nosa xente.








Federico Moccia es el escritor protagonista de uno de las fiebres superventas de los últimos años, y que de vez en cuando afectan a multitud de lectores. En este caso, se trata de un conjunto de narraciones de un género bien conocido: la novela romántica, convenientemente actualizada. Perdona si te llamo amor es un ejemplo perfecto.

Novidades Outubro (I) / Novedades Octubre (I)

En xeral, na historiografía tense prestado moi pouca atención ás mulleres. Esta tendencia ven cambiando nos últimos anos, e estes volumes, a cargo dun grupo de historiadoras galegas, son unha boa mostra. E tamén unha boa oportunidade para aprendermos sobre o papel que as mulleres teñen desenvolvido na Historia de Galicia.






Ben Dupré propone en este libro una forma muy directa de acercarse a la Filosofía, a través de 50 cuestiones que han ocupado el tiempo y la mente de los grandes pensadores occidentales desde la Antigua Grecia hasta la actualidad: teorías sobre el conocimiento, problemas éticos, lógicos, estéticos, científicos, religiosos y políticos.

Recuperación de actividade e benvida

Tres meses despois, un curso diferente, pero mesmos obxectivos: comunicar amor pola lectura e o coñecemento en xeral. Sermos máis cultos é a mellor maneira de ser máis humanos; e, aínda que non é o único xeito de facelo, LER constitúe un camiño, non sempre rápido, pero si moi, pero que moi pracenteiro. Quen aínda non o ve así será, como naquel antigo anuncio dunha bebida refrescante, porque o ten probado pouco.

Saúde, e botemos a andar de novo, que temos certas propostas para todos vós.

Recomendacións de lectura para o verán

Xa estamos a piques de rematar o curso, e quizais algúns pensedes coma nós: que o verán é un período estupendo para dedicarlle algo máis de tempo á lectura.

Convencidos como estamos diso, e tamén de que a lectura é unha viaxe boa, bonita e barata (sobre todo se levades os libros en préstamo da nosa Biblioteca), aquí vos deixamos as nosas recomendacións para o verán, distribuídas por idades.

Que o pasedes moi ben, tanto cando leades como cando non.

Vémonos en setembro, a ver qué nos contades.

Recomendacións vacacións verán

View more presentations from fontexeriabib

LEGERE GAVDERE EST

Presentacións nos recreos: Dúas sobre o Día das Letras Galegas

Con algo de retraso, pero deixámosvos aquí as outras dúas presentacións que proxectamos na Biblioteca nas xornadas que dedicamos ás Letras Galegas. As dúas foron elaboradas por Ramón Beltrán, profesor de Xeografía e Historia e membro do Equipo de Biblioteca.

Letras galegas 1963 2004

View more presentations from fontexeriabib

Os días das letras galegas

View more presentations from fontexeriabib

Manifesto a favor da Formación en Bibliotecas Escolares

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos Centros de Formación e Recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros, queremos manifestar o seguinte:

A insoportable levidade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente.

Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos.

Así naceu o movemento que cristalizou na iniciativa que todos coñecemos como PLAMBE. De xeito que, dende hai algúns anos, esa iniciativa levou o mellor da creatividade e o esforzo de moitos docentes que, xenerosamente, regalaron o seu tempo e a súa capacidade de formar equipos e ilusionar a outros docentes en centos de centros de toda a nosa comunidade.

Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información.

Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida.

Non é doado porque a maquinaria educativa ten unhas inercias difíciles de combater.

A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer.

Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado.

A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos, como colectivo, son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de Boas Prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas.

Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser?

Por que non seguir aproveitando a experiencia e valía dos equipos das bibliotecas escolares nestes cometidos?

O noso empeño sempre foi crear nos centros pequenos focos que tentan estender esas boas prácticas de innovación e excelencia.

Non entendemos este novo e repentino xiro na política de formación desta Dirección Xeral.

Non nos parece xusto posto que podemos dicir honestamente que, pola nosa banda, cumprimos con fartura.

Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos Encontros do Plan de Mellora de Bibliotecas Escolares, despois dunhas entusiastas palabras de eloxio polos éxitos logrados polas bibliotecas escolares galegas a nivel estatal.

Onde quedou ese entusiamo?

Que interpretación debemos facer?

O noso país pode permitirse tirar pola borda todo este traballo?

E nós? En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?