Benvidos ó noso blog. É un espazo aberto para compartir o pracer da lectura e o amor pola cultura en xeral. -///- Bienvenidos a nuestro blog. Es un espacio abierto para compartir el placer de la lectura y el amor por la cultura en general -///- Welcome to our blog. It is an open space for those who want to share their pleasure in reading and their love for culture -///- Bienvenus à notre blog. C’est un espace ouvert pour partager le plaisir de la lecture et de l'amour par la culture en général
O pasado venres, o Equipo de Dinamización da Lingua Galega do noso Centro organizoou a celebración do Día de Rosalía, e decidiu que unha das actividades tivese lugar na nosa Biblioteca.
Dúas rapazas de 1º BAC, Maruxa Formoso e Lara Reimúndez, interpretaron unha versión musical do poema "Adiós ríos, adiós fontes" (número 15 de Cantares gallegos).
Aquí deixamos un pequeno vídeo como testemuña da actividade.
O pasado venres día 19, Marta e Andrea, dúas alumnas de 1º ESO, realizaron na nosa Biblioteca unha pequena dramatización: unha entrevista ó clima tropical.
Estas dúas rapazas elaboraron un traballo sobre o devandito clima dentro dunha actividade proposta dentro da materia de Ciencias Sociais polo seu profesor, Ramón X. Beltrán Carballeira.
Os traballos de Marta e Andrea, xunto cunha selección dos elaborados polo resto do alumnado de Sociais de 1º ESO están expostos nun dos corredores do primeiro andar do noso Centro.
Aquí deixamos o video que rexistramos con ocasión da actividade:
No Equipo de Biblioteca estamos convencidos de que a banda deseñada é un excelente vehículo cultural. Como calquera lectura, é ben capaz de entreter e, asemade, formar.
Durante este primeiro trimestre do curso orientamos as nosas compras a renovar e actualizar esta sección da nosa Biblioteca.
E, a xeito de invitación a que veñades á Biblioteca para botarlles unha ollada ós cómics que posuímos, tanto ós novos como ós que xa levan tempo vivindo entre nós, gravamos este pequeno video, que ademais será proxectado durante esta vindeira quincena na propia Biblioteca:
:
Os cómics que nel aparecen son os seguintes:
- La huella de Lorca, de Carlos Hernández e El Torres: reflexiona sobre o significado da vida, a morte e a obra de Federico García Lorca.
- Cuánta tierra necesita un hombre, adaptación dun relato de Lev Tólstoi a cargo de Martin Veyron: o título non precisa máis explicacións.
- En Italia son todos machos, de Luca de Santis e Sara Colaone: crónica, personalizada nun individuo, da represión da homosexualidade na Italia fascista.
- Burkamanía, de JacPé: selección de viñetas satíricas sobre o uso do burka por parte dalgunhas mulleres musulmanas.
- Valerosas (vol. 1), de Pénélope Bagieu: exemplos de mulleres que loitaron pola defensa dos seus dereitos.
- Arrugas, de Paco Roca: famoso cómic (adaptado ó cine de animación) sobre o drama do Alzheimer.
- Persépolis (4 vols.), de Marjane Satrapi: outro cómic ben coñecido, tamén adaptado ó cine, na que a autora conta as súas propias vivencias e, tamén, a súa pelexa polos dereitos das mulleres.
- El extranjero, adaptación da novela de Albert Camus por Jacques Ferrandez.
- Tres biografías: Marx, Freud, e Einstein, a cargo de Corinne Maier e Anna Simon.
O mes de abril está, por tradición, moi relacionado co libro.
Hai varias semanas, no Equipo de Biblioteca tivemos a idea de elaborar unha pequena curtametraxe (ou "nanometraxe", por analoxía cos "nanocontos") para promocionar a lectura e lembrar que nas bibliotecas hai libros a eito que só están a agardar por lectores interesados.
Como xa é abril, aquí deixamos, como homenaxe ó libro, o resultado desa idea, que puxemos en práctica con non moitos recursos técnicos, algo de imaxinación e, iso si, moita ilusión.
