Novidades Outubro / Novedades Octubre (I)

Julio César es el personaje romano más conocido y cuya fama ha llegado mucho más allá de su época. Parte de esa presencia en nuestra cultura se debe al relato que escribió de su propia conquista de la Galia (actual Francia). En este libro se hace una aproximación didáctica y amena e ese hecho: textos novelizados, pasatiempos, ilustraciones...





No derradeiro tercio do s. XIX varios persoeiros galegos comezaron a desenvolver a idea de que a Galicia lle cumpría autogobernarse para poder progresar. Empezaba entón un longo camiño, de máis dun século, que rematou no Estatuto de 1981, polo que hoxe nos rexemos, no marco da España das autonomías, Este breve manual de consulta rápida resume todo ese proceso desde o seu inicio ata o ano 2004.




Saber qué consumir y cómo hacerlo es muy importante para las personas que quieren controlar de alguna manera adónde va el dinero de sus compras. En este libro, editado por la asociación de cooperativas Hispacoop, se dan pautas para identificar productos sanos, seguros y respetuosos con el medio ambiente, además de tocar el tema de los residuos.

Italo Calvino

Recuperamos neste curso a iniciativa de crear ambientes culturais na nosa Biblioteca mediante a proxección de presentacións temáticas acompañadas de música suave durante os recreos.
Lembrámosvos, alumnos e profesores deste Centro, que podedes facer as vosas propostas para este espacio: unha secuencia de fotografías, presentacións de diapositivas de elaboración propia ou allea, ou algunha outra variante que se vos ocorra.
Ós visitantes do blog alleos ó IES Fontexería lembrámoslles que estes materiais son de libre emprego e están á vosa disposición se credes que lle podedes tirar algún proveito.
A desta semana versa sobre a figura de Italo Calvino, de cuxa morte se cumpriron 24 anos o pasado 19 de setembro.
Velaquí a tedes:

Italo Calvino

View more presentations from fontexeriabib.

Reprinciamos

Cun chisco de retraso, pero aquí estamos de novo. Arrancamos o novo curso 2009-2010 con máis dificultades que o anterior, xa que o Equipo de Biblioteca dispón de menos tempo no seu horario para dedicarlle, e tamén somos un menos. En canto a recursos, sabemos oficiosamente que nos foi renovada a inclusión no programa PLAMBE da Consellería de Educación, o cal nos aleda e nos anima a continuar co traballo iniciado o curso anterior.
E serán necesarias gañas e ilusión, xa que temos bastante labor por diante. Como veredes nas fotografías incluídas máis abaixo, o espacio da nosa Biblioteca viuse ampliado uns 30 m2 gracias ó derrubo dunha parede medianeira. Ese novo "hábitat" destinarémolo a depósito de fondos de uso menos frecuente, e deixaremos na sala de lectura aqueles libros e outros materiais de emprego máis cotián. Velaquí as fotos:



Por outra banda, vimos de poñer a disposición dos usuarios un monitor de TV con reproductor DVD integrado. Así, mediante o uso de auriculares, poderanse consultar en sala os fondos audiovisuais de que dispoñemos, e que cada vez medran máis. Este é o aparello:


Polo de agora, pouco máis. Só podemos anunciar que temos a intención de continuar coa serie de actividades que puxemos en marcha o ano anterior, como as lecturas nos recreos, concursos de relato breve e de busca de "tesouros", exposicións temáticas, proxeccións nos recreos... E todo o que se nos ocorra; e, sobre todo, temos ganas de que vós, usuarios da Biblioteca, alumnos e profesores deste Centro, nos propoñades ideas e colaboredes na súa organización.

QUE TODOS TEÑAMOS UN FELIZ E LECTOR CURSO

I Escrita de Nanocontos

O Equipo de Biblioteca do noso Centro está moi ledo, pois ven de saír do prelo a publicación que preparamos cunha escolma dos relatos presentados ó I Concurso de Nanocontos, que foi convocado no primeiro trimestre deste curso que agora remata.

Se lembrades ben, ocorrérasenos definir o nanoconto como aquel relato de tema e idioma libre que constase como máximo de 100 palabras. Logo da fin do concurso, consideramos que debiamos publicar algúns dos relatos presentados co obxecto de darlles publicidade e así animar á nosa Comunidade Educativa a camiñar polas vías da lectura e da creación literaria. A maquetación correu a cargo de Alfonso Blanco, coordinador do Equipo de Biblioteca, mentres que os debuxos da cuberta e a marca de auga foron creados por Alfonso González.

Estes días estanse a repartir os exemplares entre os autores representados na publicación, e tamén entre todos os que participaron activamente nas actividades programadas pola Biblioteca ó longo deste curso. Aqueles ós que non poidamos localizar no Centro nestas datas por teren rematado xa os seus estudios, enviarémoslles o caderno por correo.

Para todos os demais, queda aquí publicado en formato dixital:

I Escrita de Nanocontos do IES Fontexería

View more Microsoft Word documents from fontexeriabib.

Lecturas en Vivo: Gústame ler (IV)

Como xa avanzaramos, ó termo da actividade do pasado xoves, dúas rapazas, Sheila e Samantha, de 2º ESO, solicitaron prolongar a actividade Gústame ler lenda elas cadanseu fragmento literario o venres. E así foi: Samantha achegounos á novela Calvina, de Carlo Frabetti, mentres Sheila puxo a súa voz a un anaco de No corazón do bosque, de Agustín Fernández Paz.

Un día máis, e xa é o derradeiro por este curso, velaquí as fotografías:


A pesar de que a asistencia de público os dous últimos días da actividade non foi moi abondosa, o Equipo de Biblioteca está satisfeito, sobre todo por ter dado curso a peticións de rapaces que se sinten vencellados á actividade lectora e a fan parte da súa vida cotiá.

Gracias de verdade a todos os participantes e asistentes.

LER SEN CANDO, COMO NIN POR QUE

Lecturas en Vivo: Gústame ler (III)

Hoy continuó, por tercer día consecutivo, la actividad Gústame ler en nuestra Biblioteca. En esta ocasión, Sara Beiro, de 4º ESO, leyó un fragmento de Alicia en el País de las Maravillas, de Lewis Carroll, acompañada en la pantalla por una presentación elaborada por ella misma. De nuevo os acercamos las fotos a continuación:

El Equipo de Biblioteca está muy contento, porque al final de la sesión de hoy dos alumnas manifestaron su intención de leer mañana viernes algunos fragmentos de novelas que han leído últimamente y les han gustado. Por supuesto, su petición fue atendida, y os esperamos mañana a todos en el segundo recreo, de 12,10 a 12, 30. Además, habrá alguna sorpresa... de la que no vamos a adelantar nada de nada.

Lecturas en Vivo: Gústame ler (II)

Hoxe tivo lugar a segunda das lecturas públicas que forman parte da actividade Gústame ler, posta en marcha pola nosa Biblioteca.
Debido a un exame, Carlos, o encargado de ler o fragmento de La historia interminable, de Michael Ende, non puido acudir, pero foi moi ben sustituído por Victoria, de 2º ESO.
Pola súa parte, Tamara liu con emoción o seu anaquiño de Crepúsculo, de Stephenie Meyer. Coma sempre, aquí tedes algunhas fotos do acto:

E tamén podedes vela neste enlace:
Tamara le na Biblioteca do IES Fontexería

Mañá xoves Sara hanos ler un fragmento de Alicia en el País de las Maravillas, de Lewis Carroll