Exposición sobre o manga (IV)

Entramos na derradeira semana do trimestre, chea de exames, agobios polas notas... Pero na nosa Biblioteca tedes un curruncho para vos relaxar un chisco coa nosa exposición sobre o mundo do manga.

Ademais dos exemplares que tedes á vosa disposición na mesa da entrada e dos paneis explicativos sobre este tipo de comic, durante os recreos poderedes ver unha proxección de imaxes da serie Naruto, orixinal de Masashi Kishimoto, e publicada por primeira vez na revista Shonen Jump en 1999. Máis tarde deu lugar tamén a unha serie anime.

Para máis información sobre este rapaz ninja, remitímosvos ó artigo da Galipedia (e non esquezades que as entradas noutros idiomas están na columna da esquerda, se rodades un chisco o rato). Extractámosvolo aquí:

Naruto, un aprendiz de ninja da Aldea Oculta de Konoha é un mozo traste que desexa chegar a ser o máis importante ninja da aldea. A xente mírao con desconfianza porque no seu interior está encerrado o demo Kyubi que unha vez destruíu a aldea. Aínda que os seus compañeiros non saben isto, tampouco lle teñen aprezo porque é un mal estudante e sempre anda a facer brincadeiras. Con todo, a forma de actuar e a determinación de Naruto demostran aos demais que pode chegar moi lonxe, e o receo dos outros mozos vaise disipando. Naruto e os seus compañeiros Sakura e Sasuke, xunto ao seu mestre Kakashi, terán que enfrontarse a unha serie de combates e misións ao longo da historia que lles permitirán mellorar e medrar.

Como música de ambiente acompañaranos o Tema de Kaneda, pertencente á banda sonora orixinal da película Akira, composta por Shoji Yamashiro.

Exposición sobre o manga (III)

A proxección que esta semana, nos recreos da nosa Biblioteca acompañará a nosa exposición sobre o manga amosará como debuxar un dos personaxes máis famosos dese universo: Son Goku, que se fixo un lugar no lecer de moitos nenos galegos gracias á emisión da serie anime As Bólas do Dragón pola TVG durante moitos anos.

Para quen non coñeza o argumento (máis ben o punto de partida) desta serie, velaquí vos deixamos un extracto do artigo da Galipedia sobre este tema:

Hai aproximadamente 75 millons de anos atrás, os KaioShins dese tempo deron a uns poucos namekianos o poder de crear as chamadas Bólas do Dragón (talvez por ser unha raza bastante poderosa e pacífica), sendo moi explícitos en que só as usasen en ocasións excepcionais. Mais hai centenas de anos atrás, o planeta Namek atravesou problemas climáticos polo que alguns dos seus habitantes tentaron escapar. Así, entre os poucos superviventes, algúns decidiron enviar os seus descendentes a outros planetas para salvalos. Foi, desde xeito, como un pequeno namekiano, ó que lle corría polas súas veas sangue máxico e guerreiro, foi enviado ó planeta Terra para sobrevivir. Era Piccolo, fillo de Katattsu [...]. Por ter sangue máxico, ese namekiano creou instintivamente unhas bólas parecidas ás do seu planeta. Outra vez pasaría o tempo ata comezar a historia de Dragon Ball cando unha rapaza chamada Bulma atopa no soto da súa casa unha Bóla do Dragón. Após pesquisar moito sobre a bóla, descobre a súa utilidade e pasa a percorrer o mundo atrás das outras bólas. Para facilitar a busca, Bulma inventa un radar que detecta as pequenas ondas que as Bólas do Dragón emiten. Tódolos acontecementos na serie xurdiron grazas ás bólas e ó interese inicial de Bulma en xuntalas.

Lembrade que, ademais disto, expóñense unha serie de 6 paneis sobre o concepto e a historia do manga, e tamén exhibimos un conxunto variado de exemplares manga: entre exame e exame, podédevos relaxar un pouquiño, non si?

Préstamo ás familias

Aproveitando unha idea que xa caviláramos o curso pasado pero que non chegaramos a poñer en práctica, a nosa Biblioteca ábrese ás familias da nosa comunidade educativa.

A partir de agora, todos os familiares dos alumnos matriculados no noso Centro poderán levar libros en préstamo da Biblioteca, sempre a través dos propios rapaces, e no mesmo réxime que eles.

Para difundir esta posibilidade, na Sala de Recepción para os pais hai desde onte un expositor con varios títulos pensados para que lles boten unha ollada no seu tempo de espera. Tamén se pode atopar un caderniño con instruccións para aproveitar este servizo que lles ofrecemos: explícase en qué consiste, cómo poden consultar por internet o noso catálogo, e inclúense tamén fichas de préstamo.

Amosámosvos agora en fotografías o caderniño e tamén a Sala de Recepción co expositor:




O Equipo de Biblioteca dá as gracias ó director do noso Centro, José Antonio Mayo, que nos informou de cómo se desenvolve esta idea no IES Poeta Añón de Outes, onde xa levan tempo con esta iniciativa. E, por suposto, mandamos unha aperta ós responsables da Biblioteca Poeta Añón, do mesmo Centro, en quen nos inspiramos para poñer en marcha este servizo.

Exposición sobre o manga (Ia)

Velaquí vos deixamos as fotografías que tiramos o xoves pasado na apertura na exposición sobre o manga que podedes visitar durante este mes na nosa Biblioteca.

O Equipo de Biblioteca quere agradecer fondamente a participación de Elena Fernández e Iván Martínez, que venceron a súa natural timidez para amosarnos algo dese amplo universo que constitúe o manga, e ó que son bos aficionados.

Moitas gracias tamén a todos os que viñestes ese día e nos acompañastes na presentación desta actividade.

Quedades coas fotos

Exposición sobre o manga (II)

Unha vez recuperada (máis ou menos) a facultade técnica de realizar proxeccións nos recreos, e como xa anticipamos, no que queda de mes habemos dedicar cada semana a contidos relacionados co manga.
Nestes vindeiros cinco días poderemos observar na pantalla imaxes do volume I da serie Akira, obra de Katsuhiro Otomo. O argumento deste manga, importantísimo na expansión deste fenómeno a nivel mundial, é como segue:

No ano 2019 o mundo está a piques de ser destruído, como consecuencia dunha guerra nuclear desencadeada en 1989. Sobre as ruínas da capital xaponesa constrúese Neo-Tokyo, unha cidade chea de problemas: desemprego, violencia, tráfico de drogas... As sectas relixiosas e os grupos extremistas, aproveitando a insatisfacción dos cidadáns, fan xurdir o mito de AKIRA, un neno considerado a encarnación da "enerxía absoluta" e o inicio dunha nova era para Xapón.

Ademais, lembrade que podedes botar unha ollada ós paneis da exposición, así como ós exemplares que poderedes atopar na mesa da entrada.

Exposición Manga

Como se anunciara, abrimos hoxe a exposición sobre o manga que será a principal actividade da nosa Biblioteca durante o que queda de mes.

Aquí vos deixamos, en formato de presentación, os paneis plastificados que desde hoxe poderedes observar.

Lembrámosvos que durante os recreos, cada semana haberá proxeccións relacionadas con este tema: viñetas, artbooks e guías para aprender e debuxar personaxes manga.

Asemade, na mesa da entrada, progresivamente irán aparecendo exemplares de diversos mangas para que os poidades manexar.

De todo isto irá aparecendo información gráfica neste blog.

Vide visitala!

Exposición Manga

View more presentations from fontexeriabib.

Novidades Marzo / Novedades Marzo (II)

A pesar do título, si que nos fixemos algunhas das preguntas que se respostan neste libro, como “Recoñécense os animais no espello?”, “Existe o sexto sentido?” ou “Cantos pelos temos no corpo?”. Tamén é certo que hai algunhas que nunca se nos ocorreu facernos, pero das súas respostas aprenderemos algo máis sobre nós mesmos e o noso planeta.








El mundo de las brujas y los hechizos siempre ha atraído a muchos lectores, quizá gracias a su propio ser mágico. Benjamin Lacombe (texto e ilustraciones) y Sébastien Perez (texto) han actualizado este campo de la literatura fantástica con una historia donde el amor y lo sobrenatural se unen para contarnos lo que experimenta Lisbeth cuando descubre que su abuela es una bruja. A partir de ahí, sorpresa tras sorpresa en un libro... embrujador.

Novidades Marzo / Novedades Marzo (I)

O neno do pixama a raias está a ser un grandísimo éxito de ventas, que ademais xa foi adaptado ó cine. O truco do escritor, John Boyne, consiste en contarnos unha experiencia aterradora, pero desde os ollos dun rapaz que, na súa inocencia, non se decata do que lle acontece a outro rapaz do que se fai amigo a través dun valado.





El “marxismo” es, además de una teoría económica y política, una forma de ver la vida a través del cristal de lo absurdo: la de Groucho Marx, uno de los cómicos más destacados (e irrepetibles) del siglo XX. Lo más parecido a una autobiografía que escribió fue Memorias de un amante sarnoso, novedad en nuestra Biblioteca. En sus propias palabras, “este libro fue escrito durante las interminables horas que empleé esperando a que mi mujer acabara de vestirse para salir. Si hubiera andado siempre desnuda, nunca habría podido escribirlo”.