2ª recollida de Nanocontos

Recuperando unha iniciativa experimentada no curso pasado, convocamos a 2ª Recollida de Nanocontos. Os alumnos deste Centro poden depositar, ata o próximo 30 de novembro, nunha caixa disposta ó efecto na Biblioteca, un relato breve de tema e idioma libres, non máis extenso de 100 palabras. Unha vez pasada a data, un xurado reunirase e valorará os Nanocontos presentados e outorgará catro agasallos, divididos en dúas categorías: 1º Ciclo da ESO por unha banda, e resto de matriculados pola outra.
Desde a Biblioteca animámosvos a que deixedes saír ese relato breve que posiblemente levedes dentro. Quen sabe? Igual vos sorprendedes a vós mesmos.
A seguir reproducimos o cartel onde se especifican as condicións para participar

:

CHAMADE ÁS MUSAS E ELAS ACUDIRANVOS
(PERO CHAMÁDEAS CUN BOLI NA MAN)

A Capela Sistina

O 31 de outubro de 1512 inaugurábase a Capela Sistina, unha vez que o artista Miguel Anxo Buonarotti rematou os frescos encargados polo Papa Xulio II. Dentro de tres anos esta obra mestra da arte universal cumprirá 500 anos. Na nosa Biblioteca dixemos: por que esperar cando podemos renderlle homenaxe xa mesmo? Para os que a visitaron xa, esperamos que esta presentación lles sirva para traerlles gratos recordos; para os que aínda non a viron in situ, agardamos que lles dea gañas de viaxar a Roma e contemplala.
Lembrade: todos os recreos desta semana na nosa Biblioteca.
Lembrade tamén: podedes, alumnos e profesores, traernos as vosas propostas para este espacio.

A Capela Sistina

View more documents from fontexeriabib.

Arthur Rimbaud

Esta semana, durante os recreos, na nosa Biblioteca poderá verse unha proxección de diapositivas dixitais dedicada a Arthur Rimbaud, poeta francés nacido un 20 de outubro de 1854. Sonará como música de fondo Danza Macabra, co compositor Camille Saint-Saëns.
Convidámosvos a todos a vir, ver, e escoitar. Para os que non poidan (ou non queiran), velaquí tedes a presentación (iso si, sen a música).
Como sempre, lembramos que nos gustaría proxectar aportacións de alumnos e profesores: coidamos que é un bo xeito de intercambiar información e intereses culturais.

Arthur Rimbaud

View more presentations from fontexeriabib.

El Doctor Zhivago

La presentación que se puede ver durante los recreos de esta semana en nuestra Biblioteca nos informa sobre la novela El doctor Zhivago, de Boris Pasternak, de cuya publicación el pasado día 11 de octubre se cumplieron 52 anos. La música que acompaña es el famoso Tema de Lara, perteneciente a la banda sonora compuesta para Maurice Jarre para la película del mismo título, dirigida por David Lean en 1965.

El Doctor Zhivago

View more presentations from fontexeriabib.

Novidades Outubro / Novedades Octubre (II)

Xaquín Lorenzo estudiou desde moi novo a etnografía e o folklore galegos, labor ó que dedicou toda unha vida de investigación. Neste libriño analiza a evolución dos usos constructivos da vivenda en Galicia, contrastando o tipo de casa característico do rural co propio do medio urbano, destacando as relacións entre os dous.





Este libro de abundantes y vistosas ilustraciones nos introduce en la vida de un castillo de la Edad Media: su configuración, la forma de construírlos, su evolución a través de los tiempos, las comidas, las bebidas, los trabajos, el tiempo de ocio... Una forma rápida, directa y amena de trasladarse a una época en que esos edificios, muchos de ellos hoy deteriorados, estaban en perfecto estado y albergaban mucha actividad.



O historietista Hergé (chamado Georges Proper Remi, 1907-1983) non só debuxou a Tintín, que é a súa creación máis famosa. Tamén é o autor dunha serie de cómics protagonizados por dous osiños-humanos, Popol e Virxinia. Neste episodio, viven unha aventura que nos fai lembrar as películas do Oeste, ás que, segundo parece, Hergé era ben aficionado. Unha boa ocasión para coñecer outra faceta de Hergé.

Novidades Outubro / Novedades Octubre (I)

Julio César es el personaje romano más conocido y cuya fama ha llegado mucho más allá de su época. Parte de esa presencia en nuestra cultura se debe al relato que escribió de su propia conquista de la Galia (actual Francia). En este libro se hace una aproximación didáctica y amena e ese hecho: textos novelizados, pasatiempos, ilustraciones...





No derradeiro tercio do s. XIX varios persoeiros galegos comezaron a desenvolver a idea de que a Galicia lle cumpría autogobernarse para poder progresar. Empezaba entón un longo camiño, de máis dun século, que rematou no Estatuto de 1981, polo que hoxe nos rexemos, no marco da España das autonomías, Este breve manual de consulta rápida resume todo ese proceso desde o seu inicio ata o ano 2004.




Saber qué consumir y cómo hacerlo es muy importante para las personas que quieren controlar de alguna manera adónde va el dinero de sus compras. En este libro, editado por la asociación de cooperativas Hispacoop, se dan pautas para identificar productos sanos, seguros y respetuosos con el medio ambiente, además de tocar el tema de los residuos.

Italo Calvino

Recuperamos neste curso a iniciativa de crear ambientes culturais na nosa Biblioteca mediante a proxección de presentacións temáticas acompañadas de música suave durante os recreos.
Lembrámosvos, alumnos e profesores deste Centro, que podedes facer as vosas propostas para este espacio: unha secuencia de fotografías, presentacións de diapositivas de elaboración propia ou allea, ou algunha outra variante que se vos ocorra.
Ós visitantes do blog alleos ó IES Fontexería lembrámoslles que estes materiais son de libre emprego e están á vosa disposición se credes que lle podedes tirar algún proveito.
A desta semana versa sobre a figura de Italo Calvino, de cuxa morte se cumpriron 24 anos o pasado 19 de setembro.
Velaquí a tedes:

Italo Calvino

View more presentations from fontexeriabib.

Reprinciamos

Cun chisco de retraso, pero aquí estamos de novo. Arrancamos o novo curso 2009-2010 con máis dificultades que o anterior, xa que o Equipo de Biblioteca dispón de menos tempo no seu horario para dedicarlle, e tamén somos un menos. En canto a recursos, sabemos oficiosamente que nos foi renovada a inclusión no programa PLAMBE da Consellería de Educación, o cal nos aleda e nos anima a continuar co traballo iniciado o curso anterior.
E serán necesarias gañas e ilusión, xa que temos bastante labor por diante. Como veredes nas fotografías incluídas máis abaixo, o espacio da nosa Biblioteca viuse ampliado uns 30 m2 gracias ó derrubo dunha parede medianeira. Ese novo "hábitat" destinarémolo a depósito de fondos de uso menos frecuente, e deixaremos na sala de lectura aqueles libros e outros materiais de emprego máis cotián. Velaquí as fotos:



Por outra banda, vimos de poñer a disposición dos usuarios un monitor de TV con reproductor DVD integrado. Así, mediante o uso de auriculares, poderanse consultar en sala os fondos audiovisuais de que dispoñemos, e que cada vez medran máis. Este é o aparello:


Polo de agora, pouco máis. Só podemos anunciar que temos a intención de continuar coa serie de actividades que puxemos en marcha o ano anterior, como as lecturas nos recreos, concursos de relato breve e de busca de "tesouros", exposicións temáticas, proxeccións nos recreos... E todo o que se nos ocorra; e, sobre todo, temos ganas de que vós, usuarios da Biblioteca, alumnos e profesores deste Centro, nos propoñades ideas e colaboredes na súa organización.

QUE TODOS TEÑAMOS UN FELIZ E LECTOR CURSO